Кыргызстандын футбол боюнча улуттук курама командасы ФИФА рейтингинде бир тепкичке жогорулады.
7-январда жарыяланган рейтингде Кыргызстан 107-орунга жайгашкан. Бир ай мурда кыргыз курамасы 108-катардан орун алып 2006-жылдагы рекордду жаңылаган эле (119-орун).
2015-жылдын 3-декабрынан 2016-жылдын 7-январына чейин Кыргызстандын футбол боюнча улуттук курама командасы расмий беттештерге катышкан эмес. Өзгөрүү Корея Элдик Демократиялык Республикасынын бир ай мурдагы рейтингдеги 105-катардагы ордун сактай албай калгандыгына байланыштуу болгон.
2018-жылдагы дүйнө чемпиондугуна тандоо мелдештеринин экинчи баскычында Кыргызстандын атаандаштары Австралия 2 тепкичке ылдыйдап 59-, Иордания бир тепкичке жогорулап 86-, Тажикстан өткөн айдагы ээлеген ордун сактап 146-, Бангладеш үч тепкичке ээлеген ордун жакшыртып 179-орунду ээледи.
Азиялык футбол конфедерациясынын рейтингинде Кыргызстан ушул учурда 13-орунда. ФИФА рейтингинде Бельгия, Аргентина жана Испания курама командалары көч башында келатышат.(ECh)
