Лондондогу биржада брент үлгүсүндөгү мунайдын бир баррелинин баасы 31 доллардан ылдый түштү. Мунай баасынын ылдыйлоосу отундун бул түрүн колдонуу боюнча дүйнөдө экинчи орунда турган Кытайдын фондулук рыногундагы туруксуздуктан улам эки жумадан бери уланууда. Бул жагдайда рублдин долларга карата куну түшүп, Москвада бир АКШ доллары 76 рублден сатыла баштады. Бир евро 83 рублге чейин чыкты.
