Мурдагы Эмгек, миграция жана жаштар министрлигинин каржы башкармалыгында иштегендер 2015-жылы айлык акыга деп туура эмес эсеп жүргүзүп, мыйзамсыз түрдө 2 миллион 603 миң сомду коротуп жиберген. Бул тууралуу Улуттук коопсуздук боюнча мамлекеттик комитети маалымдап, атайын кызматтын Коррупцияга каршы кызматы иликтеп, аныктап чыкканын билдирди.
Айкындалып калган фактынын негизинде Кылмыш-жаза кодексинин кызмат абалынан кыянат пайдалануу, ишенип берилген мүлктү ээлеп алуу, алдамчылык беренелери боюнча кылмыш иши козголду.
Аталган министрлик 2015-жылдын ноябрь айында жоюлуп, өкмөткө караштуу Мамлекеттик миграция кызматы болуп өзгөргөн. Анда иштеген кызматкерлердин жарымы Эмгек жана социалдык министрлигине өтүшкөн. (SE)
