Кыргызстандын Малайзиядагы элчилиги жалпыга маалымдоо каражаттары менен бирге уюштурган дилбаяндар сынагында жеңүүчү болгон мектеп окуучулары 15-январда Куала-Лумпурга барышты. Сынак “Мен Кыргызстандын өнүгүшүн каалайм” деген темада өтүп, ага миңден ашуун өспүрүмдөр катышкан.
Окуучулардын эмгектери 9 медиамекемеде, анын ичинде "Азаттыкта" кабыл алынып, жыйынтыгында мыкты дилбаян жазган 9 окуучу тандап алынган.
Эми кыргызстандык өспүрүмдөр бир апта бою Малайзия мамлекетинин жашоо-шарты менен таанышып келишет.
Сынак элчи Кылычбек Султановдун жеке демилгеси менен уюштурулган.
