Аба ырайына байланыштуу учурда Кыргызстандын айрым унаа жолдору жабык турат. Бул тууралуу Өзгөчө кырдаалдар министрлиги кабарлоодо. Соңку маалыматка караганда, ушу тапта Жалал-Абаддагы Сары-Кыр жана Нарындагы Кында ашууларында унаа жолдор жабык. Ал эми калган аймактарда жол кыймылына тыюу салынган жок.
Кар көп жааган жерлерде тазалоо иштери жүрүп жатат. Мисалы, Ысык-Көлдө Барскоон - Ак-Шыйрак унаа жолунда жааган жардын калыңдыгы 30-35 сантиметрге жеткен. (RK)
