Линктер

бейшемби, 21-сентябрь, 2017 Бишкек убактысы 07:36

Футбол боюнча Шериктештик кубогу: Молдова - Кыргызстан 2:0 (видео)


Кыргызстандын футбол боюнча жаштар курама командасы (U-22). Санкт-Петербург. 17-январь, 2016-ж.

Кыргызстандын футбол боюнча жаштар курама командасы молдовалык атаандаштарына жеңилди. Оюн бүгүн, 19-январда Орусиянын Санкт-Петербург шаарындагы “Петербургский” стадионунда Шериктештик кубогунун алкагында өтүп, 2:0 эсебинде аяктады. Оюндун биринчи таймы 0:0 эсебинде аяктаган. Экинчи таймда 54-мүнөттө Молдованын жарым коргоочусу Евгений Ребения алгачкы голду киргизип эсепти ачты. Оюндун 84-мүнөтүндө чабуулчу Вадим Пайреле экинчи голду киргизүүгө мүмкүнчүлүк алып, эсеп ажырымын көбөйттү.

Шериктештик кубогунун оюндары 17-январда Санкт-Петербург шаарында башталган. Ага Кыргызстан, Казакстан, Орусия, Беларус, Латвия, Молдова, Тажикстан жана Эстониянын командалары катышууда. Кыргызстан “А” тайпасында Беларус, Молдова жана Казакстандын курама командалары менен ойнойт. 17-январда кыргыз футболчулары Беларусту 1:0 эсебинде утуп алган. Оюндагы жалгыз голду 39-мүнөттө пенальтиде Ахлидин Исраилов киргизди. Ал эми Молдова курамасы алгачкы беттешинде казакстандык атаандаштарын 1:0 эсебинде жеңип алган.

Кыргыз футболчулары тайпалык тандоо оюндарынын алкагында акыркы оюнун 21-январда казак футболчулары менен өткөрөт. Бул кубоктун финалдык оюндары 23-январда өтөт.

Былтыр 2015-жылда башкы машыктыруучу Мирлан Эшеновдун жетекчилигинде Кыргызстандын жаштар курама командасы шериктештик кубогунун тайпалык тандоо мелдешинде Орусия курамасын 2:1, тажикстандык футболчуларды 3:1 эсебинде уткан. Ал эми Молдова жана Латвия курамалары менен 1:1 эсебинде тең ойноп, Финляндияга 1:0 эсебинде жеңилип "В" тайпасында биринчи орун менен плей-оффко чыккан эле. Мелдештин жалпы жыйынтыгында алдыңкы 6 команданын катарына кошулган.

Жаштар курама командасында 22 жашка чейинки уландар бар. ECh.

Сиздин пикир

пикирлерди көрсөт

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG