Башмыйзамга киргизиле турган жаңы өзгөртүүлөр өлкөнүн юстиция кеңешин жоюп, диний негизде саясий партия түзүүгө тыюу салат. Ошондой эле Тажикстандын парламенти президент Эмомали Рахмонго чектелбеген өлчөмдө кайра шайланууга мүмкүнчүлүк бере турган Конституцияга оңдоолорду кабыл алды. Бул мыйзам конституциялык сотко корутунду чыгарууга жөнөтүлдү. Андан кийин Башмыйзамга киргизиле турган бул өзгөртүүлөр жалпы элдик референдумга коюлат. Эмомали Рахмон 1992-жылдан бери Тажикстанды башкарып келе жатат.
