22-январда шаар бийлиги шаардыктарды жеке унаа колдонуудан баш тартууга чакырды. Ал эми дем алыш күндөрү борбор калаада коомдук транспорттор иштебей турган болду. Вашингтондун мэри Мюриэль Баузер бул жолку кар мурдагылардан айырмаланып, калың жаашы жана анын айынан оор кырдаалдар күтүлүп жатканын билдирип, жарандарды буга жараша аракет көрүүгө чакырды.
Буга чейин кардын көп жаап, сууктун катуу болушу кеминде он кишинин өлүмүнө себепкер болгон. Алар Түндүк Каролинадагы автокырсыктан каза табышкан.
22-23-январь күндөрү АКШнын чыгыш жээгинде алты миңден ашуун аба каттамдарынын учуу убактысы кийинкиге жылдырылды.
