Кытайда маңзат аткезчилиги үчүн соттолгон тажик жаранын өлүм жазасына тартуу өкүмү аткарылды. Анын алдында тажик элчилигинин өкүлүнө 51 жаштагы Хасан Юсуфовго жолугушуу уруксаты берилди. Ал 2011-жылы Шинжаң автономиялуу аймагынын борбору Үрүмчүдө кармалган.
"Тажик бийликтеринин өлүм жазасын жумшарттыруу аракеттеринен майнап чыккан жок", - деп билдирди Тажикстан тышкы иштер министрлигинин өкүлү. Расмий маалыматка ылайык, учурда Кытайдын түрмөлөрүндө 16 тажик жараны отурат. Төртөө жогорку жазага өкүм кылынса, бешөө өмүрүнүн аягына чейин кесилген.
