Линктер

ЧУКУЛ КАБАР!
27-Октябрь, 2021 шаршемби, Бишкек убактысы 13:04

Жалал-Абадда балдарга берилген күбөлүктөр жараксыз болуп чыкты


Жалал-Абад облусунда учурда 2012-2013-жылкы балдардын туулгандыгы тууралуу күбөлүктөрү массалык түрдө кайрадан алмаштырылып жатат.

Бул тууралуу шаардык жарандык актыларды каттоо бөлүмүнүн башкы адиси Нурия Азимбаева “Азаттыкка” билдирди.

“Облус боюнча 8200, ал эми шаардагы 800 баланын күбөлүгү алмаштырылууга тийиш. Азыр чет мамлекетке чыккан балдарды аэропорттон кайтарып жатышат. Анткени күбөлүктү атайын аппараттан текшергенде никелешүү күбөлүгү деп жазылып калганын байкоого болот. Ошол себептүү булар жараксыз болуп табылды”, – деди Азимбаева.

Балдардын туулгандыгы тууралуу күбөлүктөрүн Бишкек шаарындагы “Учкун” басмаканасы басып чыгарган. Азыр бул багытта Башкы прокуратура тарабынан тергөө иштери жүргүзүлүп жатат. Жалпы өлкө боюнча ушул жылдары төрөлгөн 45 миңге чукул баланын күбөлүктөрү алмаштырылышы керек. (RsK)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG