Борбор Азияда экстремизм менен терроризмди алдын алуу долбоорунун негизинде ислам дининдеги пайдалуу кеп-кеңештер жазылган кыскача видеолор даярдала баштады. Аны Ислам илимий-изилдөө институту менен Эл аралык Search for common ground уюму бирге ишке ашырууда. Бул тууралуу аталган уюмдун Кыргызстандагы бөлүмүнүн башчысы Кеңешбек Сайназаров “Азаттыкка” билдирип, шарияттын пайдалуу жагын көрсөткөн идеялар болсо, колдоого алынарын маалымдады. Бул ыкма менен ислам дини терроризмге каршы экенин жайылтуу максаты коюлган.
Аталган уюмдар Курандын негизинде түшүндүрмөсү менен кеп-кеңештер жазылган кыскача тасмаларды интернетке чыгара баштады. (SE)
