Линктер

ЧУКУЛ КАБАР!
4-Март, 2021 бейшемби, Бишкек убактысы 13:24

Орусияда Батукаевдин бир тууган эжеси баңги заты менен кармалды


Бул туурасында “Азаттыкка” бүгүн Ички иштер министрлигинен өздүк булактар билдирди. Маалыматка караганда, Челябинскиде контрчалгынчылар Кыргызстандын үч тургунун 30 килограмм баңгизаты менен кармаган.

Орусияга турист катары келген бул үч жаран баңгинин ири партиясын сатууну көздөшкөн. Иликтөө иштеринин жыйынтыгында алардын бири кримтөбөл Азиз Батукаевдин бир тууганы 54 жаштагы Яха Батукаева экени, дагы бир жаран Кабылжан Абдурахманов Токмок шаарынын тургуну, үчүнчүсү Хикматилло Кадыров Швециянын жараны экени аныкталган.

Алар 5 килограмм баңгизатын Борбордук Орусиянын региондорунда сатуу үчүн Челябинск–Троицк жолунда бара жаткан жеринен кармалышкан. Калган заттар алардын Түштүк Уральскиде убактылуу жашаган квартирасынан табылган. Үч жаранга карата Орусияда кылмыш иши козголгону кабарланууда (AzK).

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG