Келерки апта Кытайда “Кыргыз балы” деген атылыштагы соода борбору ачылат. Бул тууралуу бүгүн Жогорку Кеңеште премьер-министр Темир Сариев билдирди. Премьер-министр баштаган өкмөт өкүлдөрү жазгы-талаа иштерине даярдык боюнча парламентке маалымат берди. Анда агрардык тармакты өнүктүрүүдөгү мамлекеттик саясаттын негизги багыттары аталып, дыйкандарга жеңилдетилген насыя берүү, лизингге шарт түзүү милдеттери айтылды.
Маалыматка караганда, 2015-жылы “Айыл-Банк” аркылуу 50 миң сомдук күрөөсүз кредит берилсе, 2016 –жылы 100 миң сомдук күрөөсүз каражат берилет.
2013-жылы Киевде өткөн балчылардын сынагында Кыргызстандын балы дүйнөдө эң мыкты аталган. (КЕ)
