Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 22:16

Олимп оюндарынын алтын байгесин уткан спортчу 7 млн. сом алат


Cочидеги Олимп оюндары.

Олимп оюндарынын байге ээлерине бир жолу бериле турган акчалай сыйлыктын көлөмү аныкталды. Буга ылайык буйрукка өкмөт башчы Темир Сариев кол койгонун Жаштар иштери, дене тарбия жана спорт боюнча мамлекеттик агенттиктин маалымат кызматы билдирди.

Маалыматка караганда, Бразилиянын Рио-де-Жанейро шаарында өтө турган XXXI жайкы Олимп оюндарында жана XV Паралимпиада оюндарында 8-орунга чейин жетишкен спортчуларга ири суммадагы акча берилет. Олимп оюндарында биринчи орунга жеткен спортчуга жети миллион сом берилет. Экинчи орунга беш миллион сом, үчүнчү орунга үч жарым миллион сом белгиленди. Байгеге ээ болбой калган спортчуларга дагы акчалай байге берүү каралган. Төртүнчү орунга эки миллион сом, бешинчи орунга бир миллион сом, алтынчы орунга тогуз жүз миң сом, жетинчи орунга сегиз жүз миң сом жана сегизинчи орунга жети жүз миң сом берилет. Башкы жана жеке машыктыруучунун ар бирине спортчунун акчалай сыйлыгынын 25 пайызынын өлчөмүндө сый акы белгиленген.

Ошондой эле февраль айында Норвегияда боло турган өспүрүмдөрдүн II кышкы Олимп оюндарында биринчи орун үчүн бир миллион сом ыйгарылат. 2-орунга 500 миң сом, 3-орунга 250 миң сом бөлүнөрү каралган. Учурда жайкы Олимп оюндарына жеңил атлетчилер Мария Карабицкая, Дарья Маслова, Юлия Андреева, грек-рим күрөшүнүн балбаны Арсен Эралиевде жолдомо бар. Паралимпиадалык оюндарга пауэрлифтинг спортунан Жыргалбек Орозбаев менен Эсен Калиев лицензия алышкан. Өспүрүмдөрүн кышкы Oлимп оюндарына катышууга биатлончу Кундуз Абдыкадырова даярдык көрүүдө. (ECh)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG