Бишкек шаарынын мэрин шайлоо 27-февралга белгиленди. Бул тууралуу “Азаттыкка” Борбордук шайлоо комиссиясынын мүчөсү Рашид Бекбасаров билдирди. Мыйзам боюнча мэрди Бишкек шаардык кеңештин депутаттары шайлайт.
Мурдагы мэр Кубанычбек Кулматов кызматтан кетүүгө 9-февралда арыз жазган. Ал өзүнүн кызматтан кетүүсүн үй-бүлөлүк шарттарга байланыштырган. Учурда анын милдетин вице-мэр Айгүл Рыскулова аткарууда. (КЕ)