Бишкекте бул күндөрү кыргыз-британ кызматташтыгы талкууланууда. Улуу Британиянын элчилигинен кабарлашкандай, эл аралык өнүгүү боюнча мамлекеттик министр Десмонд Свейн Кыргызстандын өкмөтү, жарандык активисттер, бизнес өкүлдөрү менен жолугушууларды өткөрүүдө.
Улуу Британиянын эл аралык өнүгүү министрлиги чет мамлекеттерде кедейликти азайтуу, жумушчу орундарды түзүп берүү, табигый жана гуманитардык чукул кырдаалдар түзүлгөн маалда жардам берүү менен алектенет.
Кыргызстан менен ал 1998-жылдан бери иштешип келатат. (RK)
