Бишкек шаардык кеңештеги “Ата Мекен” фракциясы мэрлик кызматка Социал-демократтар фракциясы көрсөткөн Албек Ибраимовдун талапкерлигин колдойт. Бул тууралуу “Азаттыкка” Жогорку Кеңештеги “Ата-Мекен” фракциясынын лидери Өмүрбек Текебаев билдирди. Ал аталган партиянын мэр болууга реалдуу мүмкүнчүлүгү бар талапкери жоктугунан жана шаардык кеңеште да башкаруучу коалициянын мүчөсү болгондуктан ушундай чечим кабыл алынганын бышыктады.
Кечээ, 18-февралда шаардык кеңештеги КСДП фракциясы мэрликке Албек Ибраимовдун талапкерлигин көрсөткөн. Бишкек шаарынын башчысын шайлоо 27-февралда өтөт. (EBM)