Казакстанда 20-мартка белгиленген парламенттик шайлоо алдындагы бир айлык үгүт иштери бүгүн башталды. Борбордук шайлоо комиссиясы ат салышууга алты партияны каттаган. Алардын ичинен президенттин “Нур Отан” партиясынан сырткары, “Ак жол”, “Ауыл”, “Бирлик” жана Коммунисттик элдик партия да бийликчил болуп саналат. Оппозициядан Жалпы улуттук социал-демократтар партиясы катышууда.
Добуш берүү өлкөдөгү 9840 шайлоо участкасында жүрөт. (SE)
