Ош шаарында журналист айымдар арасында өткөн волейбол боюнча мелдеште ОшТВ телекомпаниясы биринчи орунду алды. Экинчи орунду ЭлТРдин, үчүнчү орунду “Ынтымак” телерадиоканалынын кызматкерлери ээлешти. “Ош Пирим” төртүнчү, “7-канал” бешинчи орунду алды.
Мелдешти бүгүн Ош мэриясы 23-февраль – Мекен коргоочуларынын күнүнө карата уюштурган. Бул тууралуу шаар бийлигинин басма сөз кызматы “Азаттыкка” кабарлады.
Жеңген команда ноутбук менен сыйланды. Андан сырткары бардык командаларга кызыктыруучу сыйлыктар каралган.
Мэрия 8-март – эл аралык аялдар күнүнө карата аймактагы телеканалдарда иштеген мырзалар арасында футбол өткөрүүнү да пландаган. (SE)
