Линктер

ЧУКУЛ КАБАР!
27-Октябрь, 2021 шаршемби, Бишкек убактысы 15:58

Коомдук кеңеш Саламаттык сактоо министринин саясатын текшерүүнү өтүнүүдө


Кыргызстандын Саламаттык сактоо министри Талантбек Батыралиев.

Саламаттык сактоо министрлигинин Коомдук кеңеши өкмөт башчыга кайрылуу жолдоду. Анда кайрылуу ээлери министрликтеги жетекчилерди дайындоо, кадрдык саясат, коррупция маселелерине көңүл бурууну өтүнүшкөн.

Анда белгиленгендей, 2015-жылы министрликтеги жетекчи кызматтарга конкурстук негизде дайындоо жокко чыгарылып, министрдин түздөн-түз бекитүүсүнө алмаштырылган. Бул өз кезегинде пикир келишпөөчүлүккө алып келип, көптөгөн адистердин кызматын таштап кетүүсүнө алып келди, деп айтылат кайрылууда.

Ошондой эле кайрылуу ээлери Саламаттык сактоо министрлигиндеги жетекчилик кызматтарга конкурстук негизде дайындоо системасын кайтарууну, жетекчилердин дайындалуусун текшерүүнү, министр Талантбек Батыралиевдин кадрдык саясатына жана акыркы эки жылдагы министрликтин коррупцияга каршы күрөшүү ишине баа берүүнү өтүнүшкөн.

Бул кайрылуу боюнча Саламаттык сактоо министрлиги жана министр Талантбек Батыралиев азырынча пикир билдире элек.(ZKo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG