Парламенттеги өкмөттүк саатта онкологиялык дартка кабылгандарды дарылоо, энелердин жана ымыркайлардын өлүмү, бөйрөктүн өнөкөт оорусу менен ооругандарга жардам көрсөтүү маселелери каралат. Бул тууралуу парламенттен кабарлашты.
Кыргызстанда онкологиялык оорулар көбөйгөнүн дарыгерлер белгилешүүдө. Ал эми аны дарылай турган жабдуулар эскирип, иштебей калгандары бар. Саламаттык сактоо министри Талант Батыралиев онкологиялык оорукана үчүн 1 млрд. сомдон ашуун каражатка медициналык жабдуулар алыныш керектигин билдирген. (AiT)
