Өлкөнүн саламаттыкты сактоо министри Сватоплук Немечектин айтымында, вирусту жуктурган эки адам тең жакында ал жайылган аймактарга турист катары барып келгендер, бирок кош бойлуулар эмес.
Дүйнөлүк саламаттыкты сактоо уюму быйыл 1-февралда Зика вирусун глобалдык коркунуч деп атаган.
Башаты чиркейлерге барып такалган вирус эң көп жайылган чөлкөм - Түштүк жана Борбордук Америка өлкөлөрү.
Зика вирусунун боюнда бар аялдар үчүн эң башкы коркунучу - микроцефалия же балдардын башы кичинекей болуп төрөлүп, мээсинин өспөй калышы. (UE)