Эл аралык аялдар күнүнө карата Бишкек шаарынын №1 үй-бүлөлүк дарыгерлер борборундагы маммография кабинетинде аялдар акысыз адистин кеңешин алышат.
Бул тууралуу “Азаттыка” “Эргене” коомдук фондунан билдиришти. 2014-жылдын 17-февралында ачылган бул кабинетте жогорку категориядагы маммолог-дарыгер иштейт. Ачылгандан бери 1 миң 725 аял текшерүүдөн өтүп, алардын 8% жакынынан эмчектин залалдуу шишиги аныкталган. Жыл сайын Кыргызстанда жүздөгөн аялдар бул дартка кабылышууда. (BCh)
