Кыргызстандын сууда сүзүү боюнча улуттук курама командасы Германияда өткөн Berolina Cup 2016 эл аралык мелдешинде 14 алтын медалга ээ болду. Бул тууралуу бүгүн команданын улук машыктыруучусу Юрий Захаров “Азаттыкка” билдирди:
- Атаандаштык абдан катуу болду. Биздин балдар мыкты даярдангандыктан жакшы жыйынтыкка жетиштик, ушунча медал утуп алдык.
Мелдеш 27,28-февраль күндөрү Берлин шаарында өтүп, ага дүйнөнүн бир нече өлкөсүнөн 1000ге жакын спортчу катышты. Кыргызстандан 10 жаштан 19 жаштан жогорку куракка чейин 14 суучул катышкан. Жыйынтыгында 14 алтын, 4 күмүш, 6 коло медал тагынышты.
Аталган турнирден кийин кыргызстандык суучулдар Германияда 4-6-мартта International Swim Meeting жайкы олимпиадага жолдомо бериле турган эл аралык мелдешке катышат. (ECh)
