Бул туурасында “Азаттыкка” Ош шаардык адвокаттар уюмунун төрагасы Немат Катаганов билдирди.
Анын айтуусунда, буга чейин шаардык прокуратуранын тергөөчүсү Илич Исамамбетов Ош шаардык ички иштер башкармалыгынын 5-бөлүмүнүн кызматкерлери менен биргеликте шаардагы жеке клиниканын ээси Айнагүл Камбарованы паракорчулукка шектеп, санкциясы жок эле тинтүүгө алышкан. Анын адвокаты тергөөчүнүн үстүнөн арызданып, шаардык прокурор Атай Шакир уулуна кайрылганда, ал адвокаттардын өздөрүн коркуткан.
Шаардагы 182 адвокат эгер бул кызматкерлер 24-мартка чейин жумушунан алынбаса толугу менен иш таштай тургандыктарын билдирүүдө. (YI)
