Ички иштер министрлигинин кызматкерлери 7-апрелге чейин күчөтүлгөн режимде иш алып барат. Бул тууралуу мекеменин маалымат катчысы Бакыт Сейитов “Азаттыкка” кабарлады.
Анын айтымында, милиция 18-марттан бери күчөтүлгөн режимде иштөөдө. Мындай чара Нооруз майрамына, 24-март жана 7-апрель ыңкылаптарынын жылдыктарын белгилөөгө байланыштуу.
ИИМ кызматкерлери элдин коопсуздугун камсыздоо максатында учурда Улуттук коопсуздук кызматы менен бир катар иш-чараларды жүргүзүп жатат. (UEz)