Кыргыз-өзбек чек ара аймагында 18-мартта түзүлгөн кырдаал азыр да өзгөрүүсүз бойдон. Бул тууралуу "Азаттыкка" Чек ара кызматынын жетекчиси Раимберди Дүйшөнбиев билдирди.
- Кырдаал ошондой эле, болгону биринчи күндөрү эки тараптан тең 30-40тай аскер турган. Азыр 8ден гана чек арачы турат ар бир тараптан. Жолдо 2ден бронетехника турат, -деди ал.
18-мартта Жалал-Абад облусунда кыргыз-өзбек чек арасынын тактала элек тилкесине өзбек чек арачыларынын кирип алышы Кыргызстандын нааразылыгын жаратууда. Азырынча маселе чечиле элек. (RK)
