Шаардын борбордук аянтында өткөн иш-чарада шаардык жана облустук бийлик өкүлдөрү жана март ыңкылабынын катышуучулары болушту.
- Эгер жергиликтүү бийлик ар бир кадамын эл менен чогуу чечсе, алардын мүдөөлөрүн канааттандырууга көп көңүл бурса, анда аларды эл сөзсүз колдойт, - деди Жалал-Абад шаарынын мэри Салайдин Авазов.
Катышуучулар 2005-жылдын 24-мартындагы ыңкылап үй-бүлөлүк башкаруунун, коомдук адилетсиздиктин, коррупциянын коомдон орун алышы, шайлоонун адилетсиз өткөрүлүшүнөн улам чыкканын, бирок кийин бул ыңкылаптын идеялары ишке ашпаганын белгилешти.
Ар кандай саясий-партиялык кызыкчылыктарга, бийлик талашууга берилбей, элге кызмат кылуу керек дешти.
Соңунда борбордук аянттагы 24-марттын урматына орнотулган монументке гүл коюулду. (RsK)
