Каракол зоопаркында жаңы туулган ботого ат коюу үчүн сынак жарыяланды

Караколдогу зоопаркта жаңы туулган ботого ат коюу үчүн сынак жарыяланды. Бул тууралуу "Азаттыкка" зоопарктын директору Салтанат Сеитова билдирди.

Анын айтымында, Ботокөз аттуу төөнүн ботосу ушул жылдын 9-мартында туулган.

- Бүгүнкү күндө экөөнүн тең абалы жакшы, алар зоопарктын кызматкерлеринин көзөмөлүндө - деди ал.

Жаңы туулган ботону көрүү үчүн көптөгөн жергиликтүү тургундар келүүдө.

Сынактын жыйынтыгы боюнча эң оригиналдуу ат тандалып алынат. Ал эми авторго зоопарктын жетекчилиги символикалык белек берет. (AsM)