Президент Алмазбек Атамбаевдин кызы Бишкекте өзү тарткан сүрөттөрдүн көргөзмөсүн уюштуруп, түшкөн 200 миң сомду Даун синдромуна чалдыккан балдарды дарылоого өткөрүп берди.
19 жаштагы Алия Шагиева сүрөттөрдү кадимки калем сап менен кагазга түшүргөн. Жарым жылда 30дай картина тарткан.
"Азаттыктын" суроолоруна жооп берип жатып Алия анын дээрлик баары эки жумада сатылып кеткенин, бирөөнү атасына, дагы бирди курбу кызына белекке тартуулаганын айтып берди. (RK)
