Элчилик Түркияга келген АКШ жарандарын майрам учурунда коопсуздугуна көңүл буруусу зарылдыгын билдирүүдө. Мындай эскертүүнү дипломаттар түрк маалымат каражаттарынын жазгандарына таянып айтып жатат. Анда майрам күнү диний ишенимдеги адамдар бара турган жайларга экстремисттер тарабынан кол салуу коркунучу бар экендиги айтылган.
Коопсуздук маселесинен улам Германия жана Европанын бир катар өлкөлөрү Түркиядагы өздөрүнүн дипмиссиясын жана мектептерин жапкан. 19-мартта Стамбулдун борборунда жанкечтинин жардыруусунан төрт киши набыт болуп, ондогон киши жарат алган. Ал эми 13-мартта аялдамада болгон жарылуудан 37 киши мерт болгон. (AzK)
