Бул тууралуу мамлекеттик маалымат каражаттары жана укук коргоочулар билдирүүдө. Сириянын телевидениеси бүгүн армия Пальмираны толук көзөмөлгө алганын жарыялады.
Британияда жайгашкан Сириядагы адами укуктарына байкоо жүргүзүү боюнча борбордун билдиришинче, бүгүн шаардын чыгыш тарабында атышуулардын үнү угулуп турган, бирок жоочулардын басымдуу бөлүгү чыгышка карай чегинишкен.
“Ислам мамлекети” террордук тобу ЮНЕСКОнун мурастар тизмесине кирген Пальмира шаарын былтыр май айында ээлеп, бир нече байыркы тарыхый эстеликтери жок кылышкан. ЮНЕСКОнун жетекчилиги муну бүткүл адамзаттын трагедиясы деп атаган. (AzK)
