Линктер

ЧУКУЛ КАБАР!
20-Октябрь, 2021 шаршемби, Бишкек убактысы 06:29

«Таза шайлоо»: Шайлоо таза өттү дегенге тил барбайт


Ош шаардык кеңештин шайлоочулары.

27-мартта Ош шаардык кеңешин шайлоого 40 байкоочусу көз салган «Таза шайлоо» коому Ошто өткөн шайлоону “мыйзамды одоно бузуулар менен өттү” деп сыпаттады. Аталган коомдун өкүлү Эльвира Икрамованын айтуусунда, шайлоочуларды коркуткан, аларга басым жасаган, добуштарды сатып алган аракеттер көп болгон:

-Шайлоо күнүнүн биринчи жарымында аймактык шайлоо комиссиясына да басым жасоого аракеттер болду. Шайлоо участкаларында добуш сатып алууга, шайлоочуларга басым жасаганга аракет кылган адамдар жүрдү. Биз аларга чара көрүү керектигин айттык. Шайлоо бүткөндөн кийин добуш сатып алуу фактысы боюнча актты алып барсак, Ош шаардык прокуратурасы кабыл албай койду.

Икрамова добуш сатып алуу фактысы боюнча дагы бир арызды БШКнын кароосуна жолдоп жатканын кошумчалады.

Ош шаардык милициясы добуш сатып алуу фактысы боюнча 9 адамды кармаган.

Кечээ Ош шаардык кеңешинин депутаттарын шайлоо болгон. 45 депутаттык орунга 13 партиядан миңден ашык талапкер ат салышып, 6 партия босоголук чектен өткөн. (YI)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG