Өткөн жылдын февраль айларында Сузак районундагы үйлөргө беткап менен кирип, коркутуп-үркүтүп тоноп жүргөн кылмыш ишке шектүү катары төрт бала кармалды. Бул тууралуу облустук ИИБнын басма сөз кызматы билдирет. Маалыматка карганда уюшкан топ мүчөлөрү өткөн жылы эки үйгө түндөсү кирип, үй-бүлө мүчөлөрүн коркутуу менен алтын буюмдарын, акчасын тоноп кеткен. Сузак РИИБ тарабынан Кылмыш-жаза кодексинин 168-берененин негизинде кылмыш иши козголуп, жабырлануучуларга келтирилген чыгымдарды кайтаруу иштери жүрүүдө.(RsK)
