Чоң-Алай кырка тоолорунун борбордук бөлүгүндө орун алган Ленин чокусун таштандыдан тазалоого 2 миллион сомдон ашык каражат бөлүнгөн.
Бул тууралуу Республикалык жаратылышты коргоо фондунун аткаруучу директору Руслан Кожобаев “Азаттыкка” билдирди. Тазалоо үчүн атайын тендерде "Ак-Сай Тревел" туристик компаниясы утуп алып, 20 тоннадан ашык таштанды чыгарылганы маалымдалат.
Бирок Туризм ассоциациясынын директору Владимир Комиссаров каражат натыйжалуу пайдаланылбай калганын айтып келет.
Бийикти 7134 метрди түзүп, 1934-жылы багындырылган Ленин чокусуна чет өлкөдөн альпинистер жана ышкыбоздор турист катары келишет. (TSh/IIK)
