Линктер

ЧУКУЛ КАБАР!
17-Октябрь, 2021 жекшемби, Бишкек убактысы 00:15

Тоолуу Карабакта он эки азери аскери курман болду


Тоолуу Карабак автономиясындагы кармашта Азербайжан куралдуу күчтөрүнүн он эки аскер кызматчысы курман болду. Бул тууралуу Азербайжандын Коргоо министрлигинин басма сөз кызматы кабарлады. Армян тарапка жасалган соккудан азербайжандын бир Ми-24 тик учагы жана танкы кыйрады. Коргоо министрлиги Азербайжан бир нече стратегиялык аба мейкиндиктерин жана калктуу конуштарын кайтарып алганга жетишкенин белгилейт.

Мындан бир аз мурда өз алдынча жарыяланып калган Тоолуу Карабактын коргоо министри 12 жаштагы эркек бала набыт болуп, дагы эки бала жараат алганын билдирсе, Азербайжандын тышкы иштер министри бир азери жараны өлгөнүн маалымдаган.

Орусиянын президенти Владимир Путин эки кармашкан тарапка телефон чалганын орус медиасы кабарлоодо. Орусиянын тышкы иштер министри Сергей Лавров кырдаалды жөнгө салуу боюнча Азербайжан жана Армениянын тышкы иштер министрлери менен байланышканын тышкы иштер мекемеси билдирет.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG