6-апрелде “Ата Мекен” фракциясынын лидери Өмүрбек Текебаевдин Апрель элдик революциясынын 6 жылдыгына арнап чыгарган “Убактылуу өкмөт” аттуу китебинин бет ачары өтүүдө. Китеп анын алгачкы басма эмгеги. Жаңы китептин бет ачарына Убактылуу өкмөттү жетектеген Роза Отунбаева, өкмөт башчысы Темир Сариев баштаган көптөгөн саясатчылар, депутаттар катышып жатат.
Аталган китепте 2010-жылдын 7-апрелинен 21-декабрга чейин иш жүргүзгөн ошол кездеги Убактылуу өкмөттүн ишмердиги чагылдырылган. Китепти Өмүрбек Текебаев белгилүү юрист Мурат Укушов менен биргелешип жазган. (ZKo/UEz)
