Мамлекеттик чек ара кызматынын Ала-Бука чек ара бөлүмүнүн кызматкерлери тарабынан Өзбекстандын аймагына өтүп кеткен 15 жылкы кыргызстандык ээсине кайтарылды. Чек арачылар өзбек кесиптештери менен 8-мартта жолугуп, маалыматтарды түшүндүрүп, сүйлөшүүлөрдү жүргүзгөн. Натыйжада өзбек чек арачылары 15 жылкыны Кыргызстандын аймагына айдап келишкен.
Жыл башынан бери өзбек чек арачылары жалпысынан Өзбекстандын аймагына өтүп кеткен 146 баш мал-жандыкты Кыргызстанга кайтарып беришкен. (SDz)
