Линктер

ЧУКУЛ КАБАР!
27-Октябрь, 2021 шаршемби, Бишкек убактысы 06:07

"Панама-гейт" чуусун чыгарган компаниянын кеңсеси тинтилди


Mossack Fonseca юридикалык компаниясынын кеңсеси, 12-апрель, 2016-жыл

Панама прокуратурасы дүйнөнүн бир катар өлкөлөрүндөгү бай жана таасирдүү саналган адамдардын офшордук эсептери боюнча документтери чыгып кеткен Mossack Fonseca юридикалык компаниясынын кеңсесин тинтүүгө алды. Маалымат каражаттарына чыгып кеткен 11 миллиондон ашуун бул документтерде бир канча өлкөлөрдүн президенттери менен өкмөт башчыларына байланышкан көмүскө финансылык эсептер тууралуу сөз болгон.

Прокурорлордун 12-апрелдеги тинтүүсүн полициянын 6 кызматкери күзөтүп турду. Панаманын башкы прокурору тергөөчүлөр бул юридикалык компаниянын документтерин изилдеп жатканын гана билдирип, башка маалымат айтпады.

3-апрелде Журналисттик иликтөөлөрдүн эл аралык консорциуму дүйнөнүн ар кайсы мамлекеттериндеги саясатчылар менен ири ишкерлердин арам акчаны офшордук схемалар аркылуу адалдоосун чагылдырган көлөмдүү баяндама жарыялаган. Анда КМШ өлкөлөрүнөн Путинден сырткары казак президенти Нурсултан Назарбаев менен байланыштагы ысымдар жана украин президенти Петро Порошенконун, Азербайжан президенти Илхам Алиевдин аты аталган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG