Баш кеңсеси АКШда жайгашкан Журналисттерди коргоо комитети (CPJ) түрк расмийлерине кайрылып, журналисттерди коргоо боюнча зарыл чараларды иштеп чыгууга чакырды. Буга Түркиянын түштүк-чыгышында согушкерлердин кол салуусуна кабылган сириялык журналисттин окуясы себеп болгон.
Тележурналист Мухаммед Захир аш-Ширкатты ушул жекшембиде Газиантеп шаарындагы эл чогулган жерде атып кетишкен. Ал 12-апрелде ооруканада каза тапткан. Кол салууга жоопкерчиликти “Ислам мамлекети” экстремисттик тобу өзүнө алган.
Мухаммед Захир Түркия аймагында өлтүрүлгөн сириялык төртүнчү журналист.