"Роза Отунбаеванын демилгелери" фонду төртүнчү ирет уюштуруп жаткан иш-чара “Терең билим - кенен келечек!” ураанынын астында өтөт. Анын алкагында билим берүүдөгү кызмат көрсөтүүлөрдүн жармаңкеси, эко-базар, китеп текчеси, гүлдөрдүн көргөзмөсү, экскурсиялар, мастер класстар, медициналык кеңешмелер, мелдештер, балдар менен ата-энелер үчүн сынактар уюштурулат.
Фестиваль 22-23-апрель күндөрү Кыргыз медициналык академиясынын имаратында болот. Кирүү акысыз.
Былтыр фестиваль экологиялык билимге, тарбия берүүгө багытталып, жаштарды айлана-чөйрөгө этият мамиле кылууга, жаратылыш байлыктарын үнөмдүү пайдаланууга чакырган эле. (AzK)
