Ош – Бишкек трассасында жүргүнчүдөн жашырылган героин табылды. Кечээ 17-апрель күнү милицияга түшкөн ыкчам маалыматтын негизинде, Ош – Бишкек трассасынын 472-чакырымындагы Шамалды-Сай участогунан унаада бараткан жүргүнчүнүн белбоосуна оролгон героин заты табылды.
Жалал-Абад облустук милициянын маалыматында Базар-Коргон районунун 42 жаштагы тургунунан алынган 1,5 кг маңзатка химиялык экспертиза жасалып, ал убактылуу кармоочу жайга киргизилди.
Учурда бул багытта тергөө иштери уланууда. (RsK)