Түркия президенти Режеп Тайып Эрдоган Анкаранын Евробиримдикке кошулуусу боюнча Европа парламенти жүргүзгөн иликтөөнүн жыйынтыгын “чагымчыл” деп атады. Бул тууралуу 19-апрелде Анкарадагы жыйында оюн билдирген Эрдоган:
- Түркия Европа биримдигине эмес, тескерсинче Евробиримдик Түркияга көбүрөөк муктаж,- деди.
Европарламенттин өткөн жумада жарыяланган баяндамасында Түркияда адам укуктарынын сакталышы жана сөз эркиндиги начар деп бааланган болчу.
