Украина президенти Петро Порошенко 19-апрелде Надежда Савченко менен телефон аркылуу сүйлөшүп, аны ачкачылыкты токтотууга көндүргөнүн жарыялады.
Азыр украин тарап Киевде соттолгон орусиялык жарандар - Александр Александров менен Евгений Ерофеевди Надежда Савченкого алмаштыруу боюнча иш-аракеттер иштелип жатканын айтууда. Бирок, Кремлдин өкүлдөрү бул боюнча маалымат берүүдөн баш тартышты.
Буга чейин Порошенко менен Путиндин телефон аркылуу сүйлөшкөн учурунда Савченкону бошотуунун жол-жоболору макулдашылганы белгилүү болгон.
Савченко орусиялык эки журналисттин өлүмү үчүн күнөөлүү деп табылып, 22 жылга эркинин ажыратылган. Ал өзүнө тагылган айыптарга макул эместигин билдирип, ачкачылык жарыялаган. (NT)
