Кыргызстанда Аксакалдар сотторунун мүчөлөрүнө коюлуучу талап күчөдү. Президент Алмазбек Атамбаев бүгүн “Аксакалдар соттору жөнүндө» мыйзамды өзгөртүү тууралуу” мыйзамга кол койду.
Максат - сот курамына мурда булганбаган, жүрүм-туруму үлгүлүү адамдардын киришине мүмкүнчүлүк ачуу жана соттордун ишин камсыз кылуу үчүн тийиштүү материалдык-техникалык шарт түзүү.
Мисалы, мыйзамдын 9-беренесиндеги талаптарга дагы бирөө кошулду, ага ылайык Аксакалдар сотуна соттолбогон жарандар гана шайлана алат. Ал эми 29-берене жаңы редакцияда баяндалат: "Аксакалдар соту салган жазапул жергиликтүү бюджетке чегерилип, анын 70% ошол соттун ишин камсыз кылууга багытталат. (RK)
