Линктер

ЧУКУЛ КАБАР!
20-Октябрь, 2021 шаршемби, Бишкек убактысы 19:36

Ошто майыптар үчүн дагы бир үй курулду


Ош шаарында майыптар үчүн дагы бир көп кабат үй курулду. Бул тууралуу бүгүн Кыргыз азиздер жана дүлөйлөр коомунун төрагасы Калык Мамбетакунов премьер-министр Сооронбай Жээнбеков менен жолугушууда айтты.

Жолугушууда уюмдун ишмердүүлүгү, майыптардын негизги көйгөйлөрү талкууланды.

Калык Мамбетакуновдун айтымында, бүгүнкү күндө эң негизгилерден болуп турак жай жана ден соолукту бекемдөө, реабилитациялык борборлордун жетишсиздиги эсептелет.

Ал белгилегендей, Оштогу жаңы курулган үйдө 45 батир бар жана алар майыптарга берилет.

Майыптардын коомдук уюму аркылуу аларга там салуу мурдагы союздук республикалардын арасынан бир гана Кыргызстанда жүргүзүлүп келатат. Калык Мамбетакуновдун жеке демилгеси менен буга чейин Бишкекте жана Ошто бир нече кабат үй курулуп, пайдаланууга берилген.

Айрым майыптар батир бөлүштүрүү адилетсиз жүрүп жатканын айтып даттанган. Бирок териштирүү учурунда аларда чынында майыптыгы бар азиздер жана дүйлөйлөр жашаары аныкталган. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG