Бул тууралуу Украинанын Улуттук коопсуздук жана коргонуу кеңеши кабарлады. Сыноого катышкан жетекчилердин бири, аталган кеңештин төрага орун басары Олег Гладковский ракета сыноо Украинанын аскер өнөр жайынын жетишкендигин көрсөтүп турганын билдирген. Ал ошондой эле алдыда ракетаны дагы күчтөндүрүү зарылдыгы турганын айтып кетти.
Март айында кеңештин төрагасы Александр Турчинов украин аскер өнөр жайы Орусиядан көз карандысыз абалда ракета курууга жетишкенин билдирген эле.
