Бул тууралуу спикерликке талапкер Чыныбай Турсунбеков Жогорку Кеңештин жалпы жыйынында программасы менен тааныштырып жатып билдирди.
Анын ырасташынча, парламент Кыргызстандагы туруктуулукту сактоо максатын көздөшү керек. Ошондой эле алдыда президенттик шайлоону акыйкат өткөрүү милдети турат. Төрагалыкка талапкер Жогорку Кеңешти күчтөндүрүү зарыл экенин, күчтүү парламент гана курулай убадалардан алыс болгон өкмөттү түзө аларын кошумчалады.
Чыныбай Турсунбековдун талапкерлигин КСДП сунуштап, “Ата Мекен”, “Республика-Ата Журт”, “Кыргызстан” фракциялары кубаттаган. (NT)
