Базар-Коргон районунун Ооган-Талаа айылында 26-апрелде катуу жааган жаандан сел жүрүп, 9 үйдү, 46 турак-жайдын бакчасын каптады. Өзгөчө кырдаалдар министрлиги билдиргендей, айылдык маданият үйүнүн жер төлөсүнө да суу кирген.
Азыр тазалоо иштери уланууда. Жарандык коргонуу комиссиясы келтирилген чыгымдарды эсептеп жатат. Сел каптаган турак-жайлар изилденип чыгып, аларда жашоого болор-болбосу 10 күндүн ичинде аныкталат. (NT)
