Линктер

ЧУКУЛ КАБАР!
28-Октябрь, 2021 бейшемби, Бишкек убактысы 10:22

Таластык тургун милициядан запкы көргөнүн айтып чыкты


Кара-Буура районундагы Ак-Жар айылынын тургуну Самат Баялиев жергиликтүү милиция кызматкерлеринин үстүнөн арыз менен прокуратурага кайрылды. Ал коңшусу менен уруша кеткенден кийин айылдык милиция кызматкерлери бир күн камакка алып, түнү менен сабап, "маңзат менен кармалды" деп күнөөнү моюнуна илүүнү көздөгөнүн билдирди.

Баялиев милиция кызматкерлери андан айылдагы колунда бар адамдын үйүнө бир килограмм маңзат таштап чыгууну талап кылышкан кошумчалады. УчурдаТалас облустук прокуратурасы кылмыш ишин козгоп, иликтөө уланууда. Бирок милиция кызматкерлери тергөө бүткүчө жумуштан четтетилбей, иштеп жатканына жабырланган тарап нааразы болууда.

Талас облусунда укук коргоо органдарынын үстүнөн элдин дооматы соңку убакта көп байкалууда. Козучак айылынын тургуну Уулкан Дөөлөтбекова да күйөөсүнүн өлүмүнө күнөлөнгөн тартип сакчысы иштен кетпегенин билдирди.

Ал эми облустук ички иштер башкармалыгынын басма сөз катчысы Максат Абдысейитов бул боюнча маалымат берүүдөн баш тартып, жарандардын арызы иликтенерин “Азаттыкка” кабарлады. (NT/SS)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG